डडेल्धुरा : माउन्टेन मावि बागबजारले अमरगढी नगर स्तरीय आधारभूत तह हाजिरी जवाफ प्रतियोगितामा प्रथम स्थान हासिल गरेको छ।
शुक्रबार राष्ट्रिय बाल दिवस २०८० को अवसरमा महेन्द्र मावि खलंगामा अमरगढी नगरपालिकाद्वारा आयोजित हाजिरी जवाफ प्रतियोगितामा माउन्टेन मावि प्रथम भएको हो।
१९ वटा विद्यालय सहभागी रहेको कार्यक्रममा महेन्द्र मा.वि.खलंगा द्वितीय, घटाल मावि नुवाकोट तृतीय भएको महेन्द्र माविका शिक्षक धर्मराज पन्तले जानकारी दिए।
उनका अनुसार बैजनाथ मावि मौरडाले सान्त्वना स्थान प्राप्त गर्यो। प्रथम, द्वितीय, तृतीय र सान्त्वना हुने विद्यालयलाई क्रमशः ४ हजार, ३ हजार, २ हजार र १ हजारसहित प्रमाणपत्र प्रदान गरिएको छ।