दार्चुला: दार्चुलामा हाइस दुर्घटना हुँदा तीन जनाको मृत्यु भएको छ।
जिल्लाको शैल्यशिखर नगरपालिका–६ ग्वानीको वडा कार्यालय नजिक गोकुलेश्वरबाट पनेबाँजतर्फ जाँदै म १ ज २७७ नम्बरको हाइस दुर्घटना भएको हो।
दुर्घटनामा परी चालक प्रकाशसिंह धामी, सवार नविनसिंह धामी र हरिश धामीको मृत्यु भएको छ। मृतक तीनै जना ग्वानीका स्थानीय हुन्।
हाइस सडकबाट करीब ५ सय मिटर तल भीरमा खसेको प्रहरीले जनाएको छ। एमालेको विजय जुलुसका लागि कार्यकर्ता बोक्न हिँडेको हाइस दुर्घटनामा परेको जिल्ला प्रहरी कार्यालय दार्चुलाले जनाएको छ।