डडेल्धुरा: डडेल्धुरामा भारी वर्षा भइरहेको छ। गएरातिदेखि निरन्तर रूपमा वर्षा भइरहेको छ। जिल्लाका भित्रीमधेशमा पर्ने रंगुन, पुन्तुरा, सुनखोलालगायतका नदीमा पानीको सहत ह्वात्तै बढेको जनाइएको छ।
नदी आसपासका क्षेत्र भएर बहने स–साना नदीमा आकस्मिक बाढी आउनसक्ने भएकाले सतर्कता अपनाउन आग्रह गरिएको छ। बाढीले जिल्लाको आलिताल गाउँपालिका–३ धुलिखेतको धानवालीमा ठूलो क्षति पुयाएको निवर्तमान वडाध्यक्ष लोकेश महराले जानकारी दिए।
भित्रीमधेसका अन्य क्षेत्रमा पनि बाढीले क्षति गरेको बताइएको छ। क्षतिको विस्तृत विवरण आउन बाँकी रहेको छ।