डडेल्धुराः डडेल्धुरा सदरमुकाममा रहेको भीमदत्त बहुमुखी क्याम्पसले विद्यार्थीको स्वागत कार्यक्रम सम्पन्न गरेको छ। क्याम्पसले शनिबार बीबीएस प्रथम वर्षका विद्यार्थीहरूको स्वागत एवं सांस्कृति कार्यक्रम सम्पन्न गरेको हो।
जिल्ला समन्वय समिति डडेल्धुराका प्रमुख गगनसिंह भण्डारी प्रमुख अतिथि रहेको उक्त कार्यक्रम क्याम्पस प्राङ्गणमै आयोजना गरिएको थियो। जिसस प्रमुख भण्डारीले आफू व्यक्तिगत र समन्वय समितिको तर्फबाट क्याम्सपलाई सदैव सहयोग गर्ने प्रतिबद्धता व्यक्त गरे।
‘यो क्याम्पस विभिन्न खुट्किला पार गर्दै अगाडि बढिरहेको छ ती खुट्किला पार गर्नको लागि म सदैव सहयोग गर्नेछु,’ उनले भने, ‘यहाँका गरिब विद्यार्थीलाई सहयोग गर्नेदेखि लिएर क्याम्पसका भौतिक संरचना सबैमा मेरो साथ सहयोग रहनेछ।’ भीमदत्त बहुमुखी क्याम्पसको छुट्टै पहिचान दिलाउनका निम्ति सबै हातेमालो गर्दै अगाडि बढ्नुपर्नेमा उनको जोड थियो।
कार्यक्रममा बीबीएस दोस्रो वर्षमा अध्ययनरत विद्यार्थी जानकी विकको अध्यक्षतामा सम्पन्न भएको थियो। कार्यक्रममा क्याम्पसमा पढ्ने विद्यार्थीहरूले विभिन्न सांगीतिक प्रस्तुतिहरूसमेत प्रस्तुत गरेका थिए।
