सुदूरपश्चिम प्रदेशका नवनियुक्त मुख्यमन्त्रीले लिए शपथ, भट्ट र शर्मा मन्त्रीमा नियुक्त
डडेल्धुरा: सुदूरपश्चिम प्रदेशका नवनियुक्त मुख्यमन्त्री र मन्त्रीहरूले पद तथा गोपनीयताको शपथ ग्रहण गरेका छन्।
प्रदेश प्रमुख देवराज जोशीले मुख्यमन्त्री राजेन्द्रसिंह रावल र २ जना मन्त्रीलाई बिहीबार शपथ खुवाएका हुन्।
प्रदेश प्रमुख जोशीले रावललाई संविधानको धारा १६८ (२) अनुसार मुख्यमन्त्री नियुक्त गरेका हुन्। मुख्यमन्त्रीको सिफारिसमा प्रदेश प्रमुख जोशीले सत्तारूढ गठबन्धनबाट थप २ जना मन्त्री नियुक्त गरेका हुन्।
रावलले माओवादीका खगराज भट्ट र एमालेकी सन्तोष शर्मा थापालाई पनि नियुक्त गरेका छन्। यद्यपि मन्त्रीहरूको भने मन्त्रालय तोकिएको छैन। उनीहरूले पनि प्रदेश प्रमुख जोशीबाट बिहीबार नै पद तथा गोपनीयताको शपथ लिएका छन्।
