एमसीसीको विरोधमा डडेल्धुरामा एक घन्टा सडक अवरुद्ध
डडेल्धुरा: अमेरिकी सहायता परियोजना एमसीसी आइतबार संसद् बैठकमा टेबल भएपछि अखिल क्रान्तिकारीको नेतृत्वमा डडेल्धुरामा विरोध प्रदर्शन गरिएको छ।
आइतबार अपराह्न जिल्ला सदरमुकामको बागबजारमा युवाहरूले विरोध प्रदर्शन गर्दै एक घन्टा सडक अवरुद्ध पारेका हुन्।आइतबारको प्रतिनिधिसभा बैठकमा सञ्चार तथा सूचना प्रविधिमन्त्री ज्ञानेन्द्रबहादुर कार्कीले सम्झौता टेबल गरेका थिए ।
सोहीको विरोधमा ‘एमसीसी हामीलाई चाहिँदैन, देश बेच्न पाइँदैन’, ‘तिम्रो एमसीसी फिर्ता लैजाउ, हामीले हाम्रो अस्मिता लुटाउनु छैन,’ लेखिएका प्लेकार्डसहित सडकमै बसेर युवाहरूले प्रदर्शन गरेका हुन् ।
आन्दोलनमा नेपाली कांग्रेस (बीपी)का जिल्ला संयोजक तिलक हमाल पनि सहभागी थिए । यसअघि पनि डडेल्धुरामा दिनहुँजसो एमसीसीको विरुद्धमा प्रदर्शन गरिएको थियो ।
