डडेल्धुरा: जिल्ला प्रशासन कार्यालय डडेल्धुराले मर्यादित र सभ्य ढङ्गले होली मनाउन निर्दैशन दिएको छ। सोमबार एक सूचना प्रकाशित गर्दै प्रशासनले यस्तो निर्देशन दिएको हो।
‘होली पर्वमा कसैको ईच्छा विपरीत जबरजस्ती रंग दल्ने, लोला हान्ने, फोहोर छ्याप्ने बाटोमा हिँड्ने बटुवालाई रंग दल्ने, दुख दिने, बाटो बन्द गरि सवारी साधनबाट रकम असुल्नेलगाएत अमर्यादित, गैह्रकानुनी, उच्श्रृंखल किसीमका कुनै पनि ब्यवहार नगर्न÷ नगराउन सबैलाई आग्रह गर्दछौं,’ सूचनामा भनिएको छ।
कसैको ईच्छा विपरीत कुनै प्रकारका कार्य गरेमा प्रचलित कानुन अनुसार कारबाही गरिने डडेल्धुरा प्रशासनले चेतावनी दिएको छ। यस वर्ष चैत ३ गते हिमाली तथा पहाडी र ४ गते तराईमा होली पर्व परेको छ।
