आलिताल: डडेल्धुराको आलितालमा कुटानी मिलको फितामा बेरिएर एक महिला घाइते भएकी छन्। घाइते हुनेमा आलिताल गाउँपालिका–८ मौरीकी २१ वर्षीया भागरथी कुँवर रहेको प्रहरीले जनाएको छ।
शुक्रबार आलिताल गाउँपालिका–८ स्थित मनो विश्वास राईस एण्ड फ्लोर मिलमा कुटानी गर्ने बेला उनले प्रयोग गरेको दोपट्टा मिलको फितामा बेरिएर घाइते भएकी प्रहरी चौकी आलितालका इन्चार्ज भीमदत्तराज भट्टले जानकारी दिए।
उनकाअनुसार घाइते महिलाको कानमा र हातमा चोट लागेको छ। घाइते कुँवरलाई उपचारको लागि धनगढी पठाइएको प्रहरी इन्चार्ज भट्टले बताए।
