डडेल्धुरा: नेपाली कांग्रेस सभापति तथा प्रधानमन्त्री शेरबहादुर देउवा भोलि मतदान गर्न डडेलधुरा जाने भएका छन् । हिजोे धनगढी गएका देउवा भोलि डडेल्धुरा फर्किने भएका हुन् ।
उनले गन्यापधुरा गाउँपालिकाको अशिग्राम मावि रुवाखोलामा रहेको मतदान केन्द्र ‘ख’ बाट मताधिकार प्रयोग गर्ने भएका हुन् ।
उनी भोलि डडेलधुरा आउने कार्यक्रम रहे पनि समय तालिका भने अझै जानकारी नरहेको जिल्ला प्रहरी कार्यालय डडेलधुराले जानकारी दिएको छ । निर्वाचन कार्यालयका अनुसार गन्यापधुरामा कुल १० हजार ४१४ जना मतदाता छन् ।