डडेल्धुरा: डडेल्धुरामा हातहतियार खरखजना मुद्दाका दुई जना फरार अभियुक्त पक्राउ परेका छन्। प्रहरीले जिल्लाको आलिताल गाउँपालिका–८ का २७ वर्षीय भीमबहादुर बोहरा र सोही ठाउँका २९ वर्षीय विनोद मास्के रानामगरलाई पक्राउ गरेको हो।
प्रहरी चौकी आलितालबाट खटिएको टोलीले खोजतलास गर्ने उनीहरूलाई आलिताल–८ बाटै पक्राउ गरिएको प्रहरी निरीक्षक एवं सूचना अधिकारी उमाकान्त जोशीले जानकारी दिए।
उनका अनुसार बोहरा र मास्केलाई बुधबार पक्राउ गएिको हो । बिहीबार उनीहरूलाई आवश्यक कारबाहीका लागि डडेल्धुरा जिल्ला अदालत डडेल्धुरामा बुझाइएको सूचना अधिकारी जोशीले बताए।
दुवैजना विगत एक वर्षदेखि फरार रहेका थिए। प्रहरी निरीक्षक जोशीका अनुसार इजाजत बिनाका हातहतियार प्रयोग गरेको पाइएपछि उनीहरू मुद्दा परेको थियो।