डडेल्धुरा: डडेल्धुरा उद्योग वाणिज्य संघको नयाँ कार्यकारणी समिति चयन गर्नका लागि भएको मतदान सकिएको छ। शनिबार बिहान साढे ८ बजेदेखि सुरु भएको मतदान साँझ सकिएको हो। संघको निर्वाचनमा एक हजार ८८ मत खसेको निर्वाचन समितिका संयोजक युवराज जोशीले जानकारी दिए।
उनका अनुसार एक हजार २९४ मतदाता रहेका थिए। आज राति ८ बजेदेखि मतगणना गर्ने तयारी रहेको जोशीले बताए। अध्यक्ष पदका लागि भोजराज भट्ट र द्धिजराज भट्ट चुनावी मैदानमा छन्।
यस्तै, वरिष्ठ उपाध्यक्षमा दीपक महता र लालमणी पन्त, वाणिज्य उपाध्यक्षमा खेमराज अवस्थी र महादेव भट्ट, महासचिवमा दिनेशप्रसाद पनेरु र विष्णुराज जोशी, सचिव महिलामा मिना फुलारा र लक्ष्मी ऐर प्रतिस्पर्धामा छन्। संघको २५ जनाको कार्यकारणी समिति हुनेछ।
