डडेल्धुरा: संविधान दिवस डडेल्धुरामा पनि विभिन्न कार्यक्रम गरी मनाइएको छ। दिवसका अवसरमा जिल्ला सदरमुकामको अमरगढी नगरपालिका–५ मा रहेको आइन्स्टाइन पब्लिक स्कुलले पनि र्याली निकालेको छ।
सोमबार बिहान विद्यार्थीहरूले दिवसका अवसरमा जिल्ला प्रशासन कार्यालयदेखि स्कुल परिसरसम्म र्याली निकालेका हुन्। विद्यार्थी र शिक्षकसहितको र्याली निकालेर संविधान दिवस मनाइएको आइन्स्टाइन स्कुलका प्रिन्सिपल रामप्रसाद अवस्थीले जानकारी दिए।
‘संविधान दिवस २०७९ सफल पारौं, कानुनको नजरमा सबै बराबर, संविधान पढौं कानुन बुझौं, संविधानको पालना हामी सबैको जिम्मेवारी’लगायतका नारा लगाउँदै विद्यार्थी र शिक्षकहरूले दिवस मनाइएका हुन्। २०७२ असोज ३ गते आजकै दिन संविधान जारी भएको अवसरमा विविध कार्यक्रम गरेर देशभर संविधान दिवस मनाइन्छ।