डडेल्धुराः गन्यापधुरा गाउँपालिकामा डडेल्धुरा जिल्लास्तरीय खुल्ला पुरुष भलिबल प्रतियोगिता आयोजना हुने भएको छ। डडेल्धुरा यूथ एसोसियसनले खुल्ला पुरुष भलिबल प्रतियोगिता आयोजना गर्न लागेको हो।
प्रतियोगिता कार्तिक २ देखि ४ गतेसम्म संचालन हुने आयोजकले जनाएको छ। प्रतियोगिताको प्रथम हुने टिमलाई एक लाख, द्धितीयलाई ५० हजार र तेस्रोलाई २५ हजार नगद पुरस्कार प्रदान गरिने यूथ एसोसियसनका अध्यक्ष डम्बर देउवाले बताए।
उनका अनुसार टिम दर्ता शुल्क २ हजार ५ सय राखिएको छ। प्रतियोगिताका खेलहरू गन्यापधुरा गाउँपालिका–२ बडालको खेल मैदानमा हुनेछन्।