डडेल्धुराः डडेल्धुरामा जुवा खेलिरहेका ६ जना पक्राउ परेका छन्।
पक्राउ पर्नेमा दीपक जोशी, मदनराज पन्त, गंगादत्त भट्ट, रुद्र पाल, खगराज पनेरु र नवराज पाण्डेय रहेको जिल्ला प्रहरी कार्यालय डडेल्धुराले जनाएको छ।
शुक्रबार अपराह्न ४ बजेतिर अमरगढी नगरपालिका–५ तुफानडाँडास्थित दोस्ती होटेलमा जुवा खेलिरहेको अवस्थानमा उनीहरूलाई पक्राउ गरिएको प्रहरी निरीक्षक एवं सूचना अधिकारी उमाकान्त जोशीले जानकारी दिए।
उनीहरूको साथबाट ८७ हजार ९ सय ७० रुपैयाँ पनि बरामद गरिएको जोशीले बताए।
