काठमाडौंः विगत लामो समयदेखि लोक तथा डेउडा गीतको क्षेत्रमा सक्रिय लोकप्रिय सर्जक तथा गायक सुर्यविरही साउद, गायिका टिका पुन र मिस्टर आरजे (राजेन्द्र) को स्वरमा नयाँ लोक पप डेउडा गीत ‘राइमती’ सार्वजनिक भएको छ ।
बसिवियालो म्युजिक प्रालिमार्फत सार्वजनिक भएको सो गीतमा प्रस्तुती तथा शब्द सृजना रमेश थापाको रहेको छ। संगीत भने गायक साउदको नै रहेको छ। गीतमा संगीत एरेन्ज भने विनोद बाजुरालीले गरेका छन्।
गीतको म्युजिक भिडियोमा भिजु पार्की, कविता नेपाली र मिस्टर आरजे र रमेशको नृत्य तथा अभिनय देख्न सकिन्छ। भिडियो निर्देशन विक्रम चौहानले गरेका हुन्। भिडियो सम्पादन भने मिलन विश्वकर्माले गरेका हुन ।
गीत सार्वजनिक गर्दै गायक साउदले यो गीत विल्कुलै फरक रहेको र सवै विधालाई समेटेर बनाएको बताए। उनले भने, ‘यसमा विभिन्न स्वाद दिन खोजेका छौं। दर्शक श्रोताले मन पराउनेमा ढुक्क छु।’
‘राइमती’ भनेको अत्यन्तै सुन्दर युवतीलाई जनाउने समेत उनले बताए।
हेर्नुहोस् भिडियो :