डडेल्धुराः कैलालीस्थित धनगढीबाट चितुवाको छालासहित २ जना पक्राउ परेका छन्।
पक्राउ पर्नेमा डडेल्धुराको परशुराम नगरपालिका–१२ का गोविन्द भट्टराई र कञ्चनपुरको बेदकोट नगरपालिका–७ का बामदेव जोशी रहेको प्रहरीले जनाएको छ ।
उनीहरू दुबे जना धनगढीको बोराडाँडीस्थीत न्यू रोहन होटेल एण्ड रेष्टुरेन्टबाट एक थान चितुवाको छालासहित पक्राउ परेको हुन्।
नेपाल प्रहरी प्रदेश कार्यालय महेन्द्रनगरबाट प्रहरी नायब निरीक्षक प्रकाश कडायतको कमाण्डमा खटिएको सादा पोशाकको टोलीले उनीहरुलाई पक्राउ गरेको जनाएको छ।
उनीहरुमाथी प्रहरीले थप अनुसन्धान गरिरहेको छ।