डडेल्धुरामा किक बक्सिङ संघ गठन, अध्यक्षमा पन्त चयन
डडेल्धुरा: जिल्ला किक बक्सिङ संघ डडेल्धुराको अध्यक्षमा तारणी पन्त चयन भएका छन्। शनिबार जिल्ला सदरमुकाममा सम्पन्न एक भेलाले पन्तको अध्यक्षतामा ९ सदस्यीय जिल्ला समिति गठन गरिएको हो।
समितिको उपाध्यक्षमा भोजराज भट्ट, कोषाध्यक्षमा मीना खड्का, सचिवमा गौरव ऐर चयन र सह–सचिवमा विनोद भण्डारी चुनिएका छन्। यस्तै सदस्यहरूमा भक्तराज जोशी, महेश बोहरा, विजया खड्का र योगेश विष्ट चयन भएका छन्।
जिल्ला खेलकुद विकास समिति डडेल्धुराका अध्यक्ष डम्बरबहादुर थापाले नयाँ समितिका पदाधिकारी तथा सदस्यहरूलाई अविर लगाउँदै कार्यसफलताको शुभकामना दिए।
