धनगढीः चार दलीय समाजवादी मोर्चाको बुधवार धनगढीमा हुने सभा स्थगित भएको छ। सन्देश सभाको नाममा मोर्चाले सातै प्रदेशमा घोषणा कार्यक्रम तय गरेअनुसार बुधवार सुदूरपश्चिम प्रदेशको धनगढीमा कार्यक्रम हुन लागेको थियो।
आजबाट एमसिसी परियोजना लागु गर्ने तयारी रहेकाले स्थगित गरिएको जनाइएको छ। आज दिउँसो सिंहदरबारस्थित अर्थ मन्त्रालयमा विशेष कार्यक्रम गरी एमसिसी कार्यान्वयनमा आएको घोषणा गरिनेछ। समाजवादी मोर्चाका कार्यक्रमलाई मोर्चामा आबद्ध दलका शीर्ष नेताहरुले सम्बोधन गर्ने कार्यक्रम रहेको थियो।