डडेल्धुराः डडेल्धुराको गन्यापधुरा गाउँपालिका वडा नम्बर २ रडुवामा पहिरोका कारण केआईसिंह राजमार्ग अवरुद्ध भएको छ।राजमार्ग अवरुद्ध हुदाँ तीन पहाडी जिल्ला डोटी, अछाम र बाजुराको आवतजावत रोकिएको छ।
प्रदेश ट्राफिक प्रहरी कार्यालय, अत्तरियाका अनुसार शनिवार रातिदेखिको वर्षका कारण राजमार्ग माथिबाट पहिरो आएको थियो। आइतवार बिहान पनि वर्षाका कारण राजमार्ग सुचारु गर्न नसकिएको बताएको छ।
डडेलधुरा प्रहरीका अनुसार राजमार्गको माथिबाट पहिरोले ढुङ्गा र रुखहरू बगाएको छ। वर्षा नरोकिएको र पहिरो जाने क्रमसमेत जारी रहेकाले सडक मर्मतको काम सुरुसमेत भएको छैन। वर्षा रोकिएपछि मर्मतको काम सुरु गर्ने डडेलधुरा प्रहरीले बताएको छ।
