डडेल्धुरा : डडेल्धुरामा अटो दुर्घटनामा ज्यान गुमाउनेको सनाखत भएको छ।
भीमदत्त राजमार्गअन्तर्गत जिल्लाको आलिताल गाउँपालिका-१ मेलखर्क नजिक अटो दुर्घटना हुँदा डोटीको शिखर नगरपालिकाका पदम बलायर र केशव महराको मृत्यु भएको हो ।
डडेल्धुराका प्रहरी निरीक्षक कुसुम नायकका अनुसार अटोमा सवार बिरबहादुर कुँवर घाइते छन् ।
उनलाई उपचारका लागि डडेल्धुरा अस्पताल ल्याइएको छ।कैलालीको अत्तरियाबाट डोटी जाने क्रममा अटो रिक्सा दुर्घटनामा परेको हो। उनका अनुसार दुर्घटनाको कारण खुलेको छैन।