डडेल्धुराः गन्यापधुरा गाउँपालिका–२ बडालमा खुल्ला डेउडा प्रतियोगिता आयोजना हुने भएको छ। गन्यापधुरा वडा नम्बर २ को आयोजनामा बुन्ढुनी पर्वको अवसरमा असोज १ गते डेउडा प्रतियोगिता हुने भएको हो।
परम्परागत संस्कृतिको जगेर्ना गर्ने मूल उद्देश्यका साथ डेउडा प्रतियोगिताको आयोजना गरिएको वडाध्यक्ष मनोज देउवाले जानकारी दिए। उनका अनुसार बडालको बुन्ढुनी थलामा बिहान १० बजेदेखि हुने डेउडा प्रतियोगितामा प्रथम हुने समूहलाई १२ हजार, दोस्रोलाई ९ हजार र तेस्रोलाई ६ हजार पुरस्कार प्रदान गरिनेछ।