डडेल्धुराः डडेल्धुरासहित सुदूरपश्चिममा भूकम्पको धक्का महसुस गरिएको थियो। भूकम्प मापन केन्द्र सुर्खेतका अनुसार जाजरकोटको लामीडाडा केन्द्र बिन्दु भएर भूकम्प आएको हो। राति ११ बजभर ४७ मिनेटमा ६ दशमलव ४ हेक्टरको भूकम्प आएको हो। भूकम्पले सुदूरपश्चिमसहित देशको केन्द्रिय राजधानी काठमाण्डौसम्म हल्लाएको थियो ।
जाजरकोट केन्द्रबिन्दु बनाएर गएराति गएको भूकम्पमा परि ६५ जनाको ज्यान गएको पुष्टि भएको छ । कर्णाली प्रदेश प्रहरी प्रमुख डीआईजी भीमप्रसाद ढकालले दिएको जानकारी अनुसार बिहान ४ बजेसम्म प्राप्त विवरण अनुसार जाजरकोटमा ३७ र रुकुमपश्चिममा २८ जनाको ज्यान गयो जनाको ज्यान गएको छ ।
उद्धारका रातिदेखि नै प्रहरी परिचालन भएका ढकालले जानकारी दिए । घाइतेहरुको विभिन्न अस्पतालमा उपचार भइरहेको छ। भूकम्पमा परेर जाजरकोटको नलगाढ नगरपालिकाकी उपमेयर सरिता सिंहको पनि ज्यान गएको छ।भूकम्पबाट भएको अरु क्षतिको बारेमा विवरण सङ्कलन भइरहेको प्रहरीले जनाएको छ । भूकम्पबाट धेरै घर भत्किएको अनुमान छ ।
