डडेल्धुरा: डडेल्धुराको नवदुर्गा गाउँपालिकामा प्रमुख प्रशासकीय अधिकृतको जिम्मेवारी दिलिप तामाङले पाएका छन्। गन्यापधुरा गाउँपालिकाका प्रमुख प्रशासकीय अधिकृतसमेत रहेका तामाङले नवदुर्गामा थप जिम्मेवारी पाएका हुन्।
संघीय मामिला तथा सामान्य प्रशासन मन्त्रालयले थप जिम्मेवारीसहित तामाङलाई नवदुर्गा पठाएको हो। यस्तै, सोमबार एक कार्यक्रमकाबीच गाउँपालिकामा तामाङको स्वागत गरिएको छ।