डडेल्धुराः डडेल्धुराका चार ठाउँमा निःशुल्क परिवार नियोजन शिविर सम्पन्न भएको छ। स्वास्थ्य कार्यालय डडेल्धुराको आयोजना तथा सुनौलो परिवार नेपालको सहकार्य र पालिकाहरूको समन्वयमा सञ्चालन भएको शिविर सम्पन्न भएको हो।
विशेषज्ञ डाक्टरद्वारा परिवार नियोजनसम्बन्धी महिलाहरूका लागि स्थायी बन्ध्याकरण (मिनिल्याप) र पुरुषहरूका लागि स्थायी बन्ध्याकरण (भ्यासेक्टोमी) निःशुल्क शिविर सम्पन्न भएको स्वास्थ्य कार्यालय डडेल्धुराले जनाएको छ।
सन्तानको रहर पुगिसकेका महिला तथा पुरुषहरूले उक्त शिविरमाबाट सेवा लिएका छन्। नवदुर्गा स्वास्थय चौकी डाँडावनमा २ जान महिलाले मात्रै सेवा लिएका छन्। नेपाल रेडक्रस भवन, तुफानडाँडामा भएको शिविरमा ३ महिला र २ पुरुषले सेवा लिएका छन्।
यसैगरी जिल्लाको भित्रीमधेसमा पर्ने आलिताल स्वास्थ्य चौकी गोदाममा १० महिला र ३ जना तथा परशुराम नगरपालिकास्थित जोगबुडा अस्पतालमा १० महिला र ७ पुरुगा गरी कूल २५ महिला र १२ जना पुरुषले सेवा लिएको स्वास्थ्य कार्यालय डडेल्धुराका निमित्त प्रमुख भवानसिंह कुँवरले जानकारी दिए।
