Radio Unity 92.2MHz

प्रधानमन्त्रीलाई राष्ट्रिय सरोकार मञ्च नेपालको ९ बुँदे ज्ञापनपत्र

डडेल्धुरा: राष्ट्रिय सरोकार मञ्च नेपालले प्रधानमन्त्री पुष्पकमल दाहाल ‘प्रचण्ड’लाई ९ बुँदे ज्ञापनपत्र बुझाएको छ। राष्ट्रिय सरोकार मञ्चले आइतबार जिल्ला प्रशासन कार्यालय डडेल्धुरामार्फत प्रधानमन्त्रीलाई ज्ञापनपत्र बुझाएको हो।

राष्ट्रिय सरोकार मञ्च नेपालका महासचिव अर्जुनसिंह विष्टले जिल्ला प्रशासन कार्यालय डडेल्धुराका प्रशासकीय अधिकृत कृष्णानन्द जोशीमार्फत् प्रधानमन्त्रीलाई ज्ञापनपत्र पठाएका हुन्। उनले यसअघि बैतडी र दार्चुलाका प्रमुख जिल्ला अधिकारीमार्फत पनि प्रधानमन्त्रीलाई ज्ञापनपत्र पठाइसकिएको जानकारी दिए।

राष्ट्रिय सरोकार मञ्च नेपालले सरकारको मातहतमा रहेको राजदण्ड र श्रीपेच फिर्ता गर्नुपर्ने, विधिको विधान २०४७ को संविधान लागू गर्नुपर्ने नत्र २०१७ या २०१९ को संविधान जारी गर्नुपर्ने माग अघि सारेको छ।

यस्तै, धर्म निरपेक्ष खारिज गरी धर्म सापेक्षय लागू गर्नुपर्ने, संघीयता चाहिँदैन, देश टुक्रयाउन पाइँदैन, १४ अञ्चल ७५ जिल्ला र ५ विकास क्षेत्र यथावत् कायम गर्नुपर्ने नभए ३ वटा राज्य सिजा राज्यसिम्रनटढ राज्य, मिथिला राज्य कायम गर्नुपर्ने उसको माग छ।

यसका साथै राष्ट्रिय झन्डा र राष्ट्रिय चिन्हहरू यथावत कायम गर्नुपर्ने, वैद्धिक सनातन हिन्दू अधिरज्य घोषणा गर्नुपर्ने र प्रत्यक्ष कार्यकारीणी प्रधानमन्त्री हुनुपर्ने आफूहरूको माग रहेको राष्ट्रिय सरोकार मञ्च नेपालका महासचिव विष्टले बताए।

सम्बन्धित पाेष्टहरु
Loading...