डडेल्धुराः घटाल माध्यमिक विद्यालयको ६५औं बार्षिकोत्सव तथा अभिभावक दिवस सम्पन्न भएकोछ।
जिल्ला सदरमुकामको अमरगढी नगरपालिका–३ स्थित नुवाकोटमा रहेको विद्यालयले मंगलबार ६५औं बार्षिकोत्सव तथा अभिभावक दिवस कार्यक्रम सम्पन्न गरेको हो।
अमरगढी नगरपालिकाका नगरप्रमुख डिल्लीराज जोशीको प्रमुख आतिथ्यतामा कार्यक्रम सम्पन्न भएको हो। २०१४ सालमा स्थापना भएको विद्यालयले आफ्नो छुट्टै पहिचान बनाएको छ।
विद्यालयले ३ वर्षे बालि विज्ञान विषयको पढाइ समेत सुरु गरेको छ। ६५ वर्ष अगाडि स्थापना भएको विद्यालय अहिलेसम्म सफल रूपमा सञ्चालन भइरहेको विद्यालयका प्रअ गणेशबहादुर साउँद बताउँछन्।
२३ गतेदेखि सुरु भएको बार्षिकोत्सव तथा अभिभावक दिवस कार्यक्रममा अन्तर सदनात्मक विविध खेलकुद सञ्चालन गरेको थियो।
अन्तिम दिन अर्थात २४ गते विद्यालयले पुरस्कार वितरण, विद्यालयको प्रगति प्रतिवेदन प्रस्तुत, विविध साँस्कृतिक कार्यक्रम र नवनिर्वाचित जनप्रतिनिधिलाई स्वागत तथा बधाई कार्यक्रमको आयोजना गरेको थियो।