Radio Unity 92.2MHz

बैतडी जीप दुर्घटना अपडेट : ४ जनाको मृत्यु, दुई जनालाई कोहलपुर पठाइयो, अन्यलाई पठाउने तयारी

बैतडी: बैतडीमा दुर्घटनामा परी ४ जनाको मृत्यु भएको छ। मृतकहरूको पहिचान खुल्न बाँकी रहेको जिल्ला प्रशासन कार्यालय बैतडीले जनाएको छ।

जीपमा सवार १३ जना मध्ये ४ जनाको मृत्यु भएको र ९ जना घाइते भएको बैतडीका प्रमुख जिल्ला अधिकारी सुरेश पन्थीले जानकारी दिए।

प्रजिअ पन्थीका अनुसार दुई जना गम्भीर घाइतेलाई हेलिकोप्टर मार्फत कोहलपुर रेफर गरिएको छ भने अन्य घाइतेलाई पनि कोहलपुर रेफर गर्ने तयारी भइरहेको छ।

दशरथचन्द राजमार्ग अन्तर्गत पाटन नगरपालिका–४ निङ्लाडी खोला भन्ने स्थानमा सोमबार बिहान से १ ज ८५४ नम्बरको जिप दुर्घटनामा परेको हो।

मतपेटिका सदरमुकाम पुर्याएर फर्कदै गरेको प्रहरी सवार जिप दुर्घटनामा परेको हो। दुर्घटनाको कारण भने खुल्न नसकेको प्रहरीले जनाएको छ।

सम्बन्धित पाेष्टहरु
जवाफ दिनुहाेस

तपाईकाे ईमेल प्रकाशित गरिने छैन् ।