डडेल्धुरा: डडेल्धुरामा चितुवाको आक्रमणमा एक वृद्ध गम्भीर घाइते भएका छन्। घाइते हुनेमा जिल्लाको आलिताल गाउँपालिका–३ धातडीका ७३ वर्षीय गगनसिं बोहरा रहेका छन्।
बोहरालाई सोमबार बिहान करिब ११ बजे ढाड्ढु समैजी सामुदायिक वनमा चितुवाले आक्रमण गरी गम्भीर घाइते बनाएको आलिताल प्रहरी चौकीले जनाएको छ। उनको टाउकोमा गम्भीर चोट लागेको र उपचारको लागि धनगढी पठाइएको प्रहरीले बताएको छ।