डडेल्धुरा: डडेल्धुराको भित्रीमधेशमा पर्ने परशुराम नगरपालिकामा नगरस्तरीय क्रिकेट प्रतियोगिता हुने भएको छ।
कटाल क्रिकेट क्लब र विष्णु सेक्युरिटी सर्भिस प्रालिको संयुक्त आयोजनामा परशुराम नगरपालिका ४ मा क्रिकेट प्रतियोगिता हुन लागेको हो।
असोज २९ बाट हुने प्रतियोगिताका खेलहरू पोखरी खेल मैदानमा हुने आयोजकले जनाएको छ। स्व. नारयण कठायतको स्मृतिमा पहिलोपटक क्रिकेट प्रतियोगिता आयोजना गर्न लागेको आयोजकले जनाएको छ।
प्रतियोगिताको विजेताले ५१ हजार १ सय ११ रुपैयाँ र उपविजेताले २१ हजार १ सय ११ रुपैयाँका साथै ट्रफी, मेडल र प्रमाणपत्र पाउने आयोजक विष्णु सेक्युरीटीका प्रबन्धक विष्णु बोहराले जानकारी दिए।