डडेल्धुरा: डडेल्धुराको आलिताल गाउँपालिकामा मैत्रीपूर्ण शिक्षक भलिबल प्रतियोगिता हुने भएको छ।
आलिताल–५ स्थित सरस्वती मावि भित्रीसैनको आयोजनामा वडादशैँ, दिपावली तथा छठ पर्व २०८१ को पावन अवसरमा आलिताल गाउँपालिका स्तरीय मैत्रीपूर्ण शिक्षक भलिबल प्रतियोगिता हुने भएको हो।
प्रतियोगिता यही असोज १७ गते विद्यालय प्राङ्गणमा आयोजना हुने विद्यालयका प्रध्यानाध्यापक भानबहादुर सुनारले जानकारी दिए। उनले पालिकाभित्रका विद्यालयका शिक्षकहरूबीच समन्वय तथा सद्भाव कायम राख्न मैत्रीपूर्ण शिक्षक भलिबल प्रतियोगिता सञ्चालन गर्न लागिएको बताए।
प्रतियोगितमा गाउँपालिकाभित्रका विद्यालयका शिक्षकहरूले भाग लिन पाउनेछन्। सहभागी हुने विद्यालयका शिक्षकहरूले असोज १६ गते ४ बजेभित्र टिम दर्ता गराइसक्नुपर्ने आयोजकले जनाएको छ।
